Perkurá pa un fundeshi fuerte pa Kòrsou pa nos bira un pais outónomo den reino Hulandes

Duna un aporte balioso na nos desaroyo turístiko di nos isla. Turismo duradero i turismo partsipativo ta mi temanan klave..

Riba tèrmino eliminá e fenómeno di drop out dor di fortalesa nos institutonan ku ta duna enseñansa. P’esaki nos institutonan ku ta duna enseñansa mester wòrdu trese na un nivel di flexibilidat unda e demanda den nos merkado laboral por wòrdu siguí i sirbi.
 
Perkurá pa un tráfiko mas sigur dor di hopi mas informashon dirigí, tuma medidanan pa baha velosidat riba kaya i tambe re-instituí i kontinuá ku e proyekto ‘Roadwatch’.
 
Perkurá pa un mihó protekshon di e konsumidó lokal dor di sostené inisiativanan pa yega na un bònt di konsumidó independiente i alabes fortalesa i spesialisá institutonan manera Fundashon pa Konsumidó’.

Perkurá pa nos medio ambiente wòrdu kuida mas mihó. En partikular nos medio ambiente bou di awa. Nos koral mester di protekshon dor di lei. Tambe mester wòrdu introdusí un sorto di duikbelasting pa fortifiká i kontrolá e mesun lei
 
Perkurá pa un desaroyo kultural balansa i mas representativo pa nos pais.

Perkurá pa tur bienesnan di Pais Kòrsou wòrdu kuidá i mantené bon. No mas situashonnan ku nos ta konstruí algu nobo awe i aki dies aña e ta para ku mantenshon atrasá.

I finalmente...............

Duna informashon i publiká e prestashonnan laboral di nos miembronan di konseho insular paso miembronan di konseho insular tin ku traha i aparesé tur dia na nan boka di trabou!