Mi ta konvensí ku integridat, union, perseveransha, konsistensha i muy en partikular kreatividat ta e yabinan pa yega na éksito

Mi ta konvensí ku e tempu di lidernan fuerte a pasa pa historia. Den un sistema demokrátiko ta e bon team ku su coach ta soru pa viktoria riba tur tereno.
 
Mi ta konvensí ku metanan ku bo ta pone bo dilanti mester ta realístiko.

Mi ta konvensí ku un polítiko den promé lugá mester ta ta íntegro i un ehèmpel pa su komunidat.

Mi ta konvensí ku un polítiko mester pone e bienestar general riba tur otro interes.

Mi ta konvensí ku enseñansa na nivel ta e fundeshi pa desaroyo di un pueblo.

Mi ta konvensí ku un polítiko ku ke bira mandatario mester tin un grado haltu di preparashon.

Mi ta konvensí ku stabilidat sosial tin tur kos di haber ku tene nos norma i balornan haltu.

Mi ta konvensí ku stabilidat sosial i stabilidat ekonómiko tin ku kana huntu banda di otro.
 
Mi ta konvensí ku kresementu ekonómiko no semper mester ta e promé opshon.

Mi ta konvensí ku kada polítiko tin e tarea primordial di eduká su komunidat ku informashon ophetivo i korekto.

Mi ta konvensí ku korupshon mester wòrdu bringa ku man duru i kastigá ku tur forsa di lei..

Mi ta konvensí ku kada hende mester karga e konsekuenshanan di su aktonan.

Mi ta konvensí ku un hende por gana loke e ta meresé di gana denter di e kuadro ku loke por wòrdu paga.

Mi ta konvensí ku mi tin ku laga un Kòrsou pa e siguiente generashon den un estado mihó ku mi mes a bin kontr’é.

Mi ta miembro di konseho insular pa Partido PAR i tur esakinan ta forma mi vishon.