Komo polítiko hóben ku a drenta den konseho insular den yüli 2007, esaki ta e preguntanan mas hasí na mi persona....:

Kiko ta bo trabou presis? Kiko bo ta hasi henter dia? E trabou ta interesante? Unda bo kantor ta? B’a sinti influensha di e polítikonan tradishonal kaba? Bèrdat mayoria polítiko ta korupto?

E tipo di preguntanan aki a motivámi pa traha e websait aki. Si bo bishita e websait regularmente lo bo tin akseso na e mundu polítiko insular mirá dor di mi brel komo miembro di konseho insular pa partido PAR. Lo bo por lesa tur dia kiko mi a hasi durante e dia en partikular, lo bo por lesa mi opinion personal/polítiko riba sierto tópikonan importante ku posibilidat di reakshoná, lo bo por wak mi agènda, lesa i/o download mi komunikadonan di prensa i lesa i /o download mi spichnan duná den reunionnan públiko òf na otro okashon di importansha. Tambe bo por mandami mensahe elektróniko, registrá bo e-mail adrès riba mi lista di mailing, partisipá na e enkuesta di momentu i wak potrèt relashoná ku mi trabou.

Mi ta spera ku mi weblog lo yena un bashí i mi lo tin kontakto frekuente ku e pueblo votadó.